ڈیرہ مراد جمالی میں ڈائیلاسز یونٹ کی بندش کا نوٹس

پارلیمانی سیکرٹری صحت ڈاکٹر ربابہ خان بلیدی نے ڈی ایچ کیو ڈیرہ مراد جمالی میں ڈائیلاسز یونٹ کی بندش کا نوٹس لیتے ہوئے ٹیکنیکل اسٹاف کی فوری تعیناتی کے لئے ضروری اقدامات اٹھانے کی ہدایت کی ہے پارلیمانی سیکرٹری صحت ڈاکٹر ربابہ خان بلیدی نے پی کوکمشنر نصیر آباد ڈویژن سے رابطہ کرکے ڈویژنل ہیڈ کوارٹر اسپتال ڈیرہ مراد جمالی میں ڈائیلاسز یونٹ کی فعالیت سے متعلق تبادلہ خیال کیا اس موقع پر انہوں نے کہا کہ پالیسیز اور اسٹریٹجک پلان کو ہم آہنگ کرکے اندرون بلوچستان صحت کی بہتر سہولیات کی فراہمی کے لئے قابل عمل حکمت عملی کی تشکیل ناگزیر ہے، اس ضمن میں صوبے بھر کے ڈی ایچ کیوز میں ٹیکنیکل اسٹاف کی تعیناتی کے لئے پاورز کو ڈی سنٹرلائزڈ کرکے فوری حل کیلئے اقدامات تجویز کئے جائیں گے اور معاملات کی بہتری کے لیے لائن ڈیپارٹمنٹس سے بھی معاونت لی جائے گی، اس موقع پر کمشنر نصیر آباد ڈویژن عابد سلیم قریشی نے یقین دلایا کہ ڈی ایچ کیو ڈیرہ مراد جمالی میں ڈائیلاسز یونٹ کی فعالیت کے لئے محکمہ صحت کے ساتھ ملکر اقدامات اٹھائیں گے اور عوام کو صحت کی بہتر سہولیات کی فراہمی کے لئے باہمی تعاون کو یقینی بنایا جائے گا۔