Junaid
منگل , 03 نومبر 2020ء
(366) لوگوں نے پڑھا
ضلع کرم میں طوری بنگش قبائل نے روحانی پیشوا کے مزار کو کھولنے کیلئے پھر سے احتجاج شروع کردیا گیا۔ روحانی پیشوا کے عقیدت مندوں نے کئی گھنٹوں تک پشاور پاراچنار مین شاہراہ آمد و رفت کیلئے بند کیے رکھی۔ لوئر کرم کے علاقہ چنار چوک میں طوری بنگش قبائل سے قبائلی رہنما سید مفید حسین شاہین سید میاں، ارشاد بنگش، مظاہر سید میاں، ماہر حسن اور دیگر نے خطاب کیا۔ رہنماؤں نے کہا بد امنی کے دور میں اورکزئی کے علاقے کلایہ میں عظیم صوفی بزرگ اور روحانی پیشوا میاں شاہ انور کا مزار بند کیا گیا تھا۔ اب گو کہ علاقے میں امن قائم ہو چکا ہے اس کے باوجود مزار بند رکھا جارہا ہے۔بعد ازاں ضلعی انتظامیہ اور میاں انور غگ کمیٹی کے رہنماؤں کے درمیان مذاکرات کے بعد احتجاج ختم کردیا گیا۔
